ولایت کیا ہے؟

 

ارشاد عرشیؔ ملک

 

فقط پانی پہ چل سکنا ،اگر شرطِ ولایت ہے

تو اِک بطخ کے بچے کو کئی ولیوں پہ سبقت ہے

 

ہوائوں میں اگر پرواز شرفِ آدمیت ہے

تو ہر مکھّی کو، ہر کوّے کو ،انساں پر فضیلت ہے

 

ولی چشمِ زدن میں ہر جگہ ،گر جا پہنچتا ہے

تو شیطاں سوچ کے آنے سے پہلے آپہنچتا ہے

 

ولایت کیا ہے؟ بس اللہ کو دل میں بسا لینا

بدن دُنیا میں ہو لیکن خدا سے دل لگا لینا

 

کسی بھی کام سے پہلے خدا کو یاد کر لینا

اُسی کی یاد سے دل کا نگر آباد کر لینا

 

بوقتِ رات جب سونا، بِنا توبہ نہیں سونا

بوقتِ صبح اُس کا شکر کر کے دو گھڑی رونا

 

کٹا مخلوق کی خدمت میں، روز و شب کا گر ہر پل

رضا مِل جائے گی مولا کی عرشیؔ آج یا پھر کل

 

٭٭٭٭٭٭٭

Rate: 0